Ұлттық статистика бюросы 2024 жылғы II тоқсанда Қазақстан Республикасының үй шаруашылықтарында азық-түлік өнімдерін тұтыну жөніндегі бюллетеньді жариялады, деп хабарлайды Malim.kz.
Алдыңғы жылдардағыдай үй шаруашылықтарының тұтыну шығындарында азық-түлік сатып алуға жұмсалатын шығыстардың ең көп үлесі ет және ет өнімдеріне (17,2%), нан мен жарма өнімдеріне (7,9%) тиесілі.
Ет пен ет өнімдерін тұтынудың ең жоғары деңгейі Маңғыстау, Атырау және Жетісу облыстарында, ал ең төмені Шымкент қаласында байқалған.
2024 жылдың II тоқсанында орташа алғанда жан басына шаққандағы жекелеген азық-түлік түрлері бойынша тұтыну мөлшері:
картоп – 11,1 кг
Нан өнімдері мен жарма өнімдері – 30,4 кг
Ет және ет өнімдері – 20,2 кг
Жемістер – 16,5 кг
Қант, джем, бал, шоколад, кондитерлік өнімдер – 10,6 кг
Сүт және сүт өнімдері – 57,9 кг
жұмыртқа – 50,6 дана
Балық және теңіз өнімдері – 3,5 кг
Фото: istock
