Маңғыстау облысында полицейлер Ыбықты Сай шатқалы аумағына жазу жазып кеткен ер адамды анықтап, жауапкершілікке тартты, деп хабарлайды Malim.kz.
Әлеуметтік желілерге мониторинг жүргізу барысында белгісіз азаматтың өз аты-жөні мен автокөлігінің мемлекеттік нөмірін шатқал тастарына жазып кеткені бейнеленген видео анықталған.
Жедел-іздестіру шаралары нәтижесінде құқық бұзушының жеке басы анықталды. Ол – 2005 жылы туған азамат.
Аталған азамат ұсақ бұзақылық жасағаны үшін жауапкершілікке тартылып, іс материалы сотқа жолданды.
Сонымен қатар ол салған жазуларын өшіріп, аумақты бастапқы қалпына келтірді.
❗️Полиция табиғи және тарихи нысандарға зиян келтіру заң алдында жауапкершілікке әкелетінін ескертті.
