Маңғыстау облысының білім басқармасының тапсырысымен «Азаматтық бастамаларды қолдау орталығы» КеАҚ қолдауымен «Қолдау» орталығының ұйымдастыруымен өңірде жүзеге асқан екі бірдей «InBilim» және «Демеу+» жобалары қорытындыланды, деп хабарлайды Malim.kz.
«InBilim» жобасы аясында 150 арнайы педагог, «Демеу+» жобасы аясында психолог, әлеуметтік педагог 450 мамандар кәсіби біліктілігін арттырып, «Ұстаз» платформасына жарамды 80 академиялық сағаттық онлайн курстан өтіп, сертификатқа ие болды.
Курс 24 қазан мен 5 қараша аралығында «Қолдау» орталығы» ЖММ тапсырысмен «Edu Master» педагогикалық шеберлік оралығы оқытты. Оқытылған мамамандар 5 қаршадан бастап супервизиядан да өтті.
Сондай-ақ, «InBilim» жобасы аясында «Ерекше білім беруді қажет ететін білім алушыларды психологиялық-педагогикалық қолдау» тақырыбында қорытынды конференция өтті.
Конференция барысында «LOGOPED» сөйлеуді дамыту орталықтар желісінің басшысы, ҚР дефектологтар мен логопедтер ассоциациясынң төрайымы, бірнеше ғылыми еңбектердің авторы Шолпан Нурахметова арнайы мамандар үшін конференция аясында 2 сағатттық семинар ұсынып, өз тәжірибесімен бөлісті.
«Демеу+» жобаы аясында республикалық сарапшы мамандар тартылып, өңір мамандарының кәсіби іліктілігін көтерді. Екі жоба аясында 2 әлеуметтік, бір анимациялық ролик пен әдістемелік құралдар дайындалып, таратылды. Бейнероликтер арнайы жасөспірімдерге психикалық білімін, инклюзивті қоғам қалыптастыру бағытталған сценарий негізінде дайындалды. Жобалардың игілігінің нәтижесінде биыл өңір жасөспірімдер арасындағы өз-өзіне қол жұмсау фактілерін ммейлінше азайтуға ықпал етті, - дейді жоба авторы М. Елеусинова
