Түркияның солтүстік-батысындағы Балыкесир провинциясында оқушыларды тасымалдап келе жатқан автобус жол-көлік оқиғасына ұшырады, деп хабарлайды Malim.kz DW-ге сілтеме жасап.
Алдын ала мәліметтер бойынша, автобус жеңіл көлікпен соқтығысып, соның салдарынан екі адам қаза тауып, сегіз адам жарақат алған.
Жергілікті басылымдардың хабарлауынша, қаза тапқандар жеңіл көлікте болған. Ал автобус жүргізушісі мен жеті оқушы түрлі жарақаттарымен ауруханаға жеткізілді.
Қазіргі уақытта оқиға орнында жедел жәрдем бригадалары мен төтенше жағдай қызметтері жұмыс істеп жатыр. Полиция жол апатының себептерін анықтауға кірісті.
Фото: Anadolu Agency
Мектеп автобусымен болған апаттан екі адам қаза тапты
