Бүгін таңертең Астанада екі қабатты жеке тұрғын үйде өрт шығып, шатыры жартылай құлаған, деп хабарлайды Malim.kz.
Астана қаласы ТЖД мәліметінше, құтқарушылар хабарлама келіп түскеннен кейін 6 минутта жеткенде ашық өртті байқаған. Өрт алдын ала 500 ш.м. алаңда оқшауланып, толығымен сөндірілген. Алайда салдарынан 2011, 2015, 2021 және 2022 жылы туған төрт бала қаза тапқан.
Себебі анықталу үстінде. Сот-медициналық сараптама тағайындалды. Оқиға орнында өрт зерттеу зертханасы жұмысқа кіріскен, қаза тапқандардың жақындарына Апаттар медицинасы орталығының және Астана қаласы ТЖД психологтары көмек көрсетіп жатыр, деп жазылған департамент мәлімдемесінде.
Байланысты жаналықтар
MalimBlocks
