Астанада лифтіде жасөспірімнен жапа шеккен 5 жасар баланың беті жансызданып қалды
Астанадағы тұрғын үй лифтінде пышақпен шабуыл жасалған 5 жасар баланың анасы ұлына шұғыл көмек керек екенін айтты. Бала шетелде жасалатын емге мұқтаж, - деп хабарлайды Malim.kz тілшісі Stan.kz ақпарат агенттігіне сілтеме жасап.
"Баланың бет жүйкесі зақымданған… Сол жақ беті жансызданып қалды", – деп жазды баланың анасы.
Еске салайық, биыл ақпанда Астанадағы тұрғын үй кешендерінің бірінің лифтінде 14 жастағы жасөспірім 5 жасар баланың бетін пышақпен тілгілеп тастаған еді.
Астана қаласының кәмелетке толмағандардың істері жөніндегі мамандандырылған ауданаралық соты айыпталушы К-ның II топтағы мүгедек екенін, психоневрологиялық диспансерде есепте тұрғаныны қарамастан, 2025 жылғы 11 ақпанда тұрғын үй кешенінің лифтінде болған кезде кәмелетке толмаған Е-нің денесіне зақым келтіріп, оның бетіне пышақпен жарақат салғанын анықтады.
Сот қаулысына сәйкес, К-ға Талғар ауданы Ақтас ауылындағы қарқынды бақыланатын мамандандырылған үлгідегі мекемеде стационарлық мәжбүрлеп емдеу тағайындалды.
Фото: видео кадры
Қазақстандағы жаңа ұлт: орыстілді қазақ пен қазақтың арасы алшақтап бара ма?
Ең көп оқылған
