Bloomberg басшысы, оның әйелі мен қызы өлі табылды

Bloomberg басшысы Ричард Самарел мен оның әйелі Лина Мария Самарел және тоғыз жастағы қызы Саманта Самарел өлі табылды, - деп хабарлайды Malim.kz тілшісі.

New York Post мәліметінше, олардың денесін полиция қызметкерлері көршісінің қоңырауынан кейін Оңтүстік Каролинадағы үйінен тапқан. Ричард Самарел 54 жаста, ал оның жұбайы 45 жаста болған еді. Басылым қазір құқық қорғау органдары тергеу жүргізіп жатқанын айтты. 

NYP басылымының болжамынша, бұл уақытта марқұмдардың тағы бір қызы мен ұлы мектепте болған. Олардың фотосуреттері Лина Самарелдің әлеуметтік желілердегі парақшаларында бар.

Ричард Самарел Bloomberg LP-да активтерді басқарумен айналысқан. Ал әйелі Лина – Колумбиядан келген иммигрант, ол АҚШ-тың ардагерлер ісі жөніндегі министрлігінде жұмыс істеген. 

Фото: thevoicemag.ru