Маңғыстау облысында жасөспірімнің өліміне қатысты тергеу жүргізіліп жатыр

Маңғыстау облыстық полиция департаментінің мәліметінше, Ақжігіт ауылында жігіттің қайтыс болуына байланысты тергеу жүргізіліп жатыр, - деп хабарлайды Malim.kz тілшісі Lada.kz сайтына сілтеме жасап.

"Қазір бұл дерек бойынша қылмыстық іс тіркелді. Күдіктіні ұстауға бағытталған жедел-тергеу шаралары кешенді түрде жүргізіліп жатыр. Оқиғаның мән-жайы анықталып жатыр", – деп мәлімдеді Маңғыстау облысы полиция департаментінің баспасөз қызметі.

Еске салайық, 8 сәуірде Бейнеу ауданына қарасты Ақжігіт ауылында 17 жастағы бозбала жұмбақ жағдайда көз жұмған. Туыстарына оның құлап, жарақат алғаны, соның салдарынан қайтыс болғаны айтылған. Алайда марқұмның отбасы баланың қасақана өлтірілгеніне күмәнданып отыр.

Фото: Polisia.kz