Шерзат Болат ісіндегі айыпталушы Абзал Шынасылдан жауап алынған сот отырысында тікелей эфирге түсіп қалған диалог қызу талқыға түсті, - деп хабарлайды Malim.kz
Кадрда соттың аяқталғаны жарияланып, жиналғандар орындарынан тұра бастағаны көрінеді.
– Көзімнен жас шығып кете жаздады ғой. Дұрыс сөйледім бе ей?
– Саған көп сұрақ қоймайды. Уайымдама! Сөйлесіп қойғанмын.
Видеода кім сөйлеп жатқаны белгісіз. Желі қолданушылары мұны айыпталушылар мен олардың адвокаттарымен байланысты деп топшылады.
Еске салайық, 2024 жылы 4 қазанға қараған түні Талғарда 16 жастағы Шерзат Полат қаза тапқан еді. Оның өлімі қоғамда үлкен наразылық тудырды. Марқұмның әкесі туыстарымен және жергілікті тұрғындармен бірге әділ тергеу жүргізуді талап етіп, наразылық ұйымдастырды. Бірнеше күннен кейін, 12 қазанға қараған түні Нұрымовтар отбасының үйі толығымен өртеніп кетті. Бас прокуратура өрттің қасақана жасалғанын мәлімдеді. Алайда үйді өртеген күдіктілер әлі күнге табылған жоқ.
Фото: Жоғарғы сот
