1 маусымда ауа райы қандай болады?
1 маусым күні Қазақстанның басым бөлігінде тұрақсыз ауа райы сақталады, деп хабарлайды Malim.kz.
Қазгидромет мәліметінше, тек батыс пен солтүстік-батыста Солтүстік антициклон ықпалымен күн ашық болады.
Қарағанды облысының солтүстігі мен шығысында күн күркіреп, бұршақ жауады. Дауыл тұрып, желдің екпіні 15-20 м/с, кей жерлерде 23 м/с дейін күшейеді.
Жамбыл облысында күндіз солтүстік пен оңтүстікте, таулы аудандарда найзағай ойнап, бұршақ жаууы мүмкін. Жел жылдамдығы 20 м/с дейін жетеді.
Павлодар облысының солтүстік-шығысында найзағай, бұршақ, дауыл күтіледі. Жел 23 м/с дейін күшейеді.
Ақмола облысының солтүстігі мен шығысында найзағай мен бұршақ болады. Желдің жылдамдығы 20 м/с шамасында.
Солтүстік Қазақстан облысында күн күркіреп, бұршақ жауады. Кей жерлерде жел екпіні 25 м/с дейін барады.
Алматы облысының солтүстігі, шығысы және таулы аймақтарында найзағай ойнап, жел 27 м/с дейін күшейеді.
Қостанай облысында түнде найзағай ойнап, күндіз жел 20 м/с дейін күшейеді.
Қызылорда мен Маңғыстау облыстарында шаңды дауыл соғады. Жел екпіні – 20 м/с.
Шығыс Қазақстан облысының оңтүстігі мен шығысында найзағай күтіледі. Жел – 20 м/с.
Түркістан облысының таулы өңірлерінде күн күркіреп, дауыл тұрады.
Синоптиктер еліміздің түрлі аймақтарында дауылды ескерту жариялап отыр. Тұрғындарға қауіпсіздік шараларын сақтауға кеңес беріледі.
Фото: freepik.com
Ең көп оқылған
