«3-4 рет күйеуге тиген апа бақытты отбасы туралы айтады». Қанат Әлжаппаров коучтарды сынады
Әзілкеш бизнесі жоқ адамдардың баю туралы айтатынына да таңғалды.
Актер әрі әзілкеш Қанат Әлжаппаров әлеуметтік желіде халыққа баюды, бақытты отбасы болуды үйрететін кісілерді сынады, деп хабарлайды Malim.kz.
Әзілкеш қалтасында көк тиыны жоқ адамдардың өзгелерге баю жолдарын үйретіп жүргеніне налыды.
Интернетті ашып қалсам, көк тиын ақшасы не бизнесі жоқ аға баюдың жолын үйретіп отырады ғой. Негізі бай адам үйретпейді ғой. Одан қалды 3-4 рет күйеуге тиіп келген апа бақытты отбасы туралы айтып отырады, миыңды ашытып... «Қазақ – жалқау халық» деген сөз бар ғой.
Негізі біз жалқау емеспіз. Біздің сенгіштігімізді пайдаланып, бізге жұмыс істетпейді. Күректі алып, енді жұмыс істейін деп жатса, «неге сен жұмыс істеп жатырсың, Шыңғыс ханның ұрпағысың» деп айтады. Сол жерде күректі лақтырып жібересің, өйткені ханның тұқымысың ғой. Сол жерде Шағатайдың інісі болып кетесің ғой. Сондықтан біреудің өсегіне сенбей, өзіміз үшін тірлік істеп жүрсек, біз әлемдегі ең бай ел боламыз деп ойлаймын, — деді Әлжаппаров.
Фото: instagram.com/alzhapbarov
MalimBlocks
