Әйелін ұрды деп айыпталған аудан әкімі қызметінен кетті
Әкімдікте Ринат Ибрагимовтың кетуі отбасылық жағдайларға байланысты ма, жоқ па, көрсетілмеген
![](/images/article-img/1600/22387-1717610740-m.jpg)
Атырау облысының әкімдігінде қызметтік тергеу жүргізіліп жатқан Мақат ауданының әкімі 24 мамырда өз еркімен отставкаға кетті, деп хабарлайды Malim.kz "Ақ Жайық" сайтына сілтеме жасап.
Оның міндетін аудан әкімінің орынбасары Бекаділ Жайкин атқарып жатыр.
Әкімдікте Ринат Ибрагимовтың кетуі отбасылық жағдайларға байланысты ма, жоқ па, көрсетілмеген.
Мамыр айының ортасында оның бұрынғы әйелі Ақмарал Үмбетқалиева әлеуметтік желіде өзінің жұбайы тарапынан үнемі таяқ жейтінін мәлімдеп, видео жариялады. 2023 жылы ұрып-соғу кезінде омыртқаның бір бөлігі сынған.
Сонымен қатар, әйел бұрынғы күйеуі балаларын одан жасырады деп мәлімдеді. Әйел биліктен көмек сұраған еді.
Экс-әкім бұрынғы жұбайының өтінішін жалған деп атады.
Айта кетейік, Ринат Ибрагимовқа қатысты сот процессі 29 мамырда басталды.
Фото: gov.kz
Байланысты жаналықтар
MalimBlocks
![](/images/article-img/600/24398-1725097159.jpg)