Медицина ғылымдарының докторы, профессор, академик Төрегелді Шарманов дүние салды. Қайғылы жағдайды Әлихан Бәйменов әлеуметтік желіде жазды, деп хабарлайды Malim.kz.
«Ұлттың асыл абызы мәңгілік сапарына аттанды… Өшпес із қалдырған алып тұлғаның жаны жәннатта, иманы саламат болсын!» деп жазды қоғам қайраткері.
Төрегелді Шарманұлы Шарманов 1930 жылы 19 қазанда Қарағанды облысы, Ұлытау ауданында дүниеге келген. Гигиенист-нутрициолог ғалым. Медицина ғылымдарының докторы, профессор. Қазақстанның еңбек сіңірген қайраткері. Қазақ тағамтану академиясының президенті. Ресей Медицина Ғылым Академиясының және Қазақстан Ұлттық Ғылым Академиясының академигі. ҚР Мемлекеттік сыйлығының иегері. Алматы және Жезқазған қалаларының Құрметті азаматы.
Негізгі ғылыми еңбектері тамақтану физиологиясына арналған. Ол тамақтану тәртібінің бұзылу себептерін зерттеп, адам денесінде ақуыз, дәрумен жетіспеу жөнінде тұжырым жасады; мешел ауруының даму механизмін ашты. Оның басшылығымен емізулі балаларға арналған «Бөбек», «Аруана», «Антихолестерин» тағам қоспаларын шығарылды. Оның бастамасымен 1978 жылы Дүниежүзілік денсаулық ұйымы (ДДҰ) мен ЮНИСЕФ-тің Халықаралық Алматы конференциясы өтіп, онда медицинаның алғашқы жәрдем санатының ұлттық жүйесін ұйымдастырудың ұстанымдары алғаш рет тұжырымдалған Алматы декларациясы қабылданды.
Фото: Ult.kz
Байланысты жаналықтар
MalimBlocks
