Алматы облысында алаяқ қайтыс болған баланың еміне ақша жинаған. Бұл туралы полиция мәлімдеді, деп хабарлайды Malim.kz.
Арнайы операция аясында қылмыстық схемаларға қатысы бар күдіктілер ұсталды.
Бірінші жағдайда Қонаев қаласының 31 жастағы тұрғыны азаматтардың сеніміне кіріп, заңсыз түрде пайда тапқан. Сондай-ақ, оның тағы бір өрескел іске қатысы бары анықталған. Баланың еміне қаражат жинаймын деген сылтаумен адамдарды алдаған.
Екінші жағдайда 26 жастағы ер адам өзін жүк тасымалдаушы ретінде таныстырып, тауарды жеткіземін деген уәдемен 180 мың теңгені иемденіп кеткен.
"Барлық дерек бойынша қылмыстық істер қозғалып, тергеу жүргізіліп жатыр. Құқық қорғаушылар күдіктілердің басқа істерге қатысы бар-жоғын тексеріп жатыр", – деп мәлімдеді киберполиция қызметкерлері.
Фото: ІІМ баспасөз қызметі
