Аптап ыстықтан республикалық тас жолда ақау пайда болды
Цементбетон жабыны бойынша орта және ағымдағы жөндеу жұмыстары жүргізіліп жатыр.
"ҚазАвтоЖол" ҰК» АҚ ақау анықталған Тараз-Қайнар жолының жағдайы туралы жедел ақпаратпен бөлісті, деп хабарлайды Malim.kz.
Ұлттық компания Жамбыл облысындағы "Тараз-Қайнар" тас жолының (244 шақырым) бөлігіндегі цемент-бетон жабынындағы ақау қатты ыстықтан пайда болған деп түсіндірді.
Жамбыл облыстық "КАЖСервис" филиалының ДЭУ-34 бөлімшесінің мамандары шұғыл шара қолданып, екі сағаттың ішінде аталған ақауды жол қозғалысына кедергі келтірмей қалпына келтірді. Облыс аумағында +45С ыстық ауа райына байланысты дауылды ескерту жарияланды. Филиал мамандары жолдың цементбетон жабынын бақылау бойынша тәулік бойы кезекшілік орнатты, - деп хабарлады "ҚазАвтоЖол" ҰК" АҚ баспасөз қызметі.
Сондай-ақ биыл жоспарланған жұмыстар аясында мердігер компанияның және "КАЖСервис" мекемесінің Жамбыл облыстық филиалының күшімен цементбетон жабыны бойынша орта және ағымдағы жөндеу жұмыстары жүргізіліп жатыр.
Осы шара барысында республикалық маңызы бар А-2 "Өзбекстан шекарасы – Шымкент – Тараз – Алматы – Қорғас" автожолының 239-476 шақырымының Тараз-Қайнар учаскесінде жолдың отырған жерлері, ақаулары мен кеңейту буындары жөнделуде.
Фото: дереккөз
