Астанада төленетін жәрдемақы өңірлерге қарағанда 10 есе көп – министр
Қазақстанның Еңбек және халықты әлеуметтік қорғау министрі Светлана Жақыпованың айтуынша, Астанадағы көпбалалы отбасыларға төленетін жәрдемақы өңірлердегіге қарағанда шамамен 10 есе жоғары, деп хабарлайды Malim.kz КазТаг-қа сілтеме жасап.
«Нақты мысал келтірейін: 6 баласы бар көпбалалы отбасы Астанада тоқсанына 2,7 млн теңге алады, ал басқа өңірде – 273 мың теңге. Сондықтан қазір бұл шаралар әлеуметтік әділеттілік қағидатын қамтамасыз ету үшін барлық өңірде бірдей болатындай қайта қаралады», – деді Жақыпова дүйсенбі күні Үкімет кулуарында.
Министр әзірге өңірлерді елорда деңгейіне көтере ме, әлде керісінше бола ма деген сұраққа нақты жауап бере алмады.
«Әзірге бізге тек тапсырма берілді, барлық тәсілдер толық айқындалып, мақұлданатын болады. Еңбек министрлігі экономикалық және қаржылық блоксыз қазір біржақты шешім қабылдай алмайды», – деп түсіндірді Жақыпова.
Бұған дейін Қазақстан Президенті Қасым-Жомарт Тоқаев халыққа Жолдауында азаматтардың әлеуметтік қызметтер мен жеңілдіктер мол ұсынылатын елордаға көшуге ұмтылатынын айтқан еді.
Осы жағдайды түзеу үшін өңірлердің әлеуметтік міндеттемелерін қаржыландыруды қайта бөлу қажеттігін атап өткен.
Фото: pixabay.com
Ең көп оқылған
