Аттестациядан өту, математиканы бөліп оқыту. Білім саласындағы өзгерістер

Бүгін үкімет отырысында білім және ғылым министрі Асхат Аймағамбетов білім саласында болатын бірқатар өзгерістер туралы айтты.

Ақниет Аманжолқызы

  • 01.02.2022

«Болашақ педагогтерді дайындау сапасын арттыру үшін, салалық біліктілік шеңберін және «Педагог» кәсіби стандартын бүгінгі заман талаптарына сай өзгертеміз. Пән мұғалімдерінің тапшылығы проблемаларын шешу үшін қайта даярлау тетігін қолданамыз. Мысалы, мамандығы мұғалім емес, бірақ кәсіби білімі мен тәжірибесі жеткілікті мамандар мұғалімдікке қайта даярлау арқылы тартылатын болады», - деді министр.

Бұдан бөлек, мұғалімдердің біліктілігін тексеру бұрынғыдай 5 жылда бір рет емес, 3 жылда бір рет өткізілетін болады. Педагогтерді жұмысқа қабылдау, аттестаттау процестерін автоматтандыру жоспарлануда, EduKyzmet бірыңғай ақпараттық жүйесінде мұғалімнің жеке кабинеті, портфолиосы ашық түрде жиналады. Министрдің сөзінше, бұл саладағы сыбайлас жемқорлық тәуекелдерін жою үшін өте маңызды.

Министр президенттің «қазақтар технарь» болу керек деген сөзінен кейін осы бағыттада жұмыстар жасалып жатқанын айтты. Оқу бағдарламаларын, әдістемелік құралдарды, оқулықтарды жаңартып, математиканы топтарға бөліп оқытуды жүзеге асыру жоспарда екен.

Аймағамбетов балабақшаларды бақылау күшейтілінін айтты. Және балабақша да тәрбие беру әдістемелерін өзгерту керектігін ескертті.

«Яғни материалдық-техникалық база, бейнебақылау жүйесі, педагогтердің біліктілігі, санитариялық, өртке қарсы нормаларға сәйкестігі, осының бәрі мемлекеттік тапсырысты берудің басты талаптары болады. Соның ішінде жекеменшік балабақшалардан да балаларға қолайлы жағдай жасау талап етіледі. Үшіншіден, балабақшалардағы орындарды бөлу кезіндегі ашықтықты қамтамасыз ету үшін, облыстардағы электронды кезектердің бәрі енді республика бойынша бірыңғай базаға еніп, біріктірілетін болады», - деді министр.

Министрдің сөзінше, балабақшаға бару үшін қазіргі облыстық кезектерді жойып, республикалық кезек базасы жасалады.

Премьер-министр Әлихан Смайлов білім министріне бірнеше тапсырма бере кетті.

Бірінші, «Білімді ұлт» сапалы білім беру ұлттық жобасын тез арада қайта қарау. Екінші, Ұлттық экономика, Қаржы министрліктерімен бірлесіп Үкіметтің 2022 жылға арналған іс-қимыл жоспарының жобасына балаларды балабақшаға кезекке қоюдың бірыңғай цифрлық базасын құру, тәрбие жұмысы тұжырымдамасын қабылдау, қосымша білім берудің бірыңғай ұлттық порталын құру жөніндегі іс-шараларды енгізу қажет. Үшінші, кәсіпорындардың колледждерді қамқорлыққа алуын дамыту жөніндегі кешенді жоспардың жобасын 10 ақпанға дейін Үкімет қарауына енгізу. Төртінші, Жетекші шетелдік жоғары оқу орындарының филиалдарын ашу жөніндегі жол картасын 7 ақпанға дейін енгізу керек. Бесінші, Салалық мемлекеттік органдармен бірлесіп, техникалық бағыттағы ғылыми кадрларды даярлауға басымдық беру қажет. Білім саласындағы бұл тапсырмалардың орындалуын бақылау премьер-министр орынбасары Ералы Тоғжановқа тапсырылды.

Байланысты жаналықтар

Аймағамбетов аттестациясына мұғалімдер ашуланып жатыр

29.11.2021

Қазақстан 12 жылдық білім беруге қашан көшеді?

23.02.2020

Аймағамбетов балабақшаларды тексеруге енді жетті

02.06.2022

Аймағамбетовтің бұйрығынан Бозтал мектебі жабылмақ

29.08.2022

Сапарбаев 61 млрд теңгені қалай игеріп жүргенін айтты

18.08.2020

Аймағамбетов: Педагог өліміне аттестацияның қатысы жоқ

19.04.2022
MalimBlocks
Аймағамбетов аттестациясына мұғалімдер ашуланып жатыр

Биыл қараша айының 11-де Білім және ғылым министрінің 2016 жылы қабылданған №83 бұйрығына өзгерістер енгізілді. Яғни мұғалімдердің аттестациядан өту процесі өзгеретін болды. Бұл өзгерістер әлеуметтік желіде мұғалімдердің қызу талқысына түсті.

Қазақстан 12 жылдық білім беруге қашан көшеді?

Аймағамбетов балабақшаларды тексеруге енді жетті

Бүгін Білім және ғылым министрі Асхат Аймағамбетов елдегі балабақшаларда тексеру жұмыстары басталып, оларға қойылатын талаптар күшейетіні туралы жазды. Министр балабақшадағы камералар әсерінен балалар құқығының бұзылған фактілері анықталғанын жазып, енді оларды қорғау мәселесіне баса көңіл бөлмек екен.

Аймағамбетовтің бұйрығынан Бозтал мектебі жабылмақ

Арыс қаласынан Абай облысына көшіп барған ата-аналар ашынып отыр

Сапарбаев 61 млрд теңгені қалай игеріп жүргенін айтты

Аймағамбетов: Педагог өліміне аттестацияның қатысы жоқ

14 сәуір Алматыдағы көлік және логистика академиясында ұлттық біліктілік тестін (ҰБТ) тапсыру кезінде 1973 жылы туған педагог қайтыс болды. Арада 5 күн өткеннен кейін білім және ғылым министрі Асхат Аймағамбетов оқиғаға байланысты пікір білдірді.