Атырау облысында су тасқынының екінші толқыны қаупі сақталуда
Маңғыстау және Қарағанды облыстарынан келген құтқарушылар тобы БҚО-дан Атырау облысына жөнелтілді.
Батыс Қазақстан облысындағы жағдай тұрақталуда. Жайық өзеніндегі су деңгейі біртіндеп төмендеуде, деп хабарлайды Malim.kz ТЖМ баспасөз қызметіне сілтеме жасап.
Өңірде су тасқыны салдарын жою бойынша белсенді жұмыстар жүргізілуде.
Сонымен қатар Төтенше жағдай министрі Шыңғыс Әріновтің тапсырмасы бойынша Маңғыстау және Қарағанды облыстарынан келген құтқарушылар тобы БҚО-нан Атырау облысына жөнелтілді. Өңірде су тасқынының екінші толқыны қаупі сақталуда.
Бұдан бөлек, БҚО ТЖД құтқарушылары Алматы қаласының Республикалық жедел-құтқару жасағымен және берілген күштермен бірлесіп, саяжай алаптары ауданында су басқан аумақтарды патрульдеу және мониторинг жүргізу, тұрғындар мен олардың үй жануарларын эвакуациялау жалғасуда.
Фото: Gov.kz
