Атышулы «Айка тізімі»: Іспен Антикор айналысып жатыр
Әлеуметтік желіде жарияланған атышулы «Айка тізімі» бойынша іс «Антикорға» берілді, деп хабарлайды Malim.kz.
Бұл туралы Ішкі істер министрлігінің баспасөз қызметі хабарлады.
Қазіргі уақытта Сыбайлас жемқорлыққа қарсы іс-қимыл агенттігінің Астана қаласы бойынша департаменті Қылмыстық кодекстің 423-бабы «Сотқа дейінгі іс жүргізу деректерін жария ету» бойынша сотқа дейінгі тергеу амалдарын жүргізіп жатыр. Оның пайда болу мән-жайлары, сенімділігі және таралуы, жүргізіліп жатқан тергеу аясында әлеуметтік желілердегі жеке деректерге қатысты ақпарат анықталуда, - делінген ІІМ хабарламасында.
Бұған байланысты Ішкі істер министрлігінің Ішкі қауіпсіздік басқармасы соңғы процессуалдық шешім қабылданғанға дейін қызметтік тергеуді уақытша тоқтатты.
Еске салайық, желтоқсан айында Қазақстанда қатты жанжал шыққан болатын. Элиталық эскорт қыздар желісін ұйымдастырушы Айкаға қатысты деректер интернетке тарап кетті, бұл құжат кейін «Айка тізімі» деп аталды. Онда тізімдегі қыздардың клиенттерінің жеке деректері көрсетілген. Бұл ретте атышулы тізімде қазақтың белгілі тұлғаларының да есімдері кездеседі. Тізім қыздардың ауқатты адамдарға эскорт қызметін ұйымдастырғаны үшін ұсталған күдіктінің телефон кітапшасынан алынғаны хабарланды.
Фото: интернеттен
