Өскемен қаласының тұрғыны, 19 жастағы Әнел Ерік бір ай бұрын із-түссіз жоғалып, оның денесі 13 желтоқсанда табылды. Бұл туралы Todayinfo ақпарат агенттігіне сілтеме жасап, Malim.kz сайты хабарлайды.
Әнел Ерік 12 қараша күні таңертең үйінен шығып, қайта оралмаған. Оның жоғалғаны туралы ақпаратты анасы сол күні-ақ полицияға хабарлаған. Сонымен қатар, еріктілер мен белсенділер әлеуметтік желілерде қыз туралы хабар таратып, іздеу жұмыстарын жүргізген.
Бір айға жуық уақыт өткеннен кейін, 13 желтоқсан күні Әнел Еріктың денесі Өскемен қаласындағы Протозанова көшесі маңындағы Үлбі өзенінің жағасынан табылды.
Полиция мәліметінше:
«Қыздың денесінде көзге көрінетін жарақаттар анықталмады. Қазіргі уақытта оқиғаның мән-жайы тергеліп жатыр, қажетті сараптамалар тағайындалды. Сотқа дейінгі тергеу амалдары жүргізілуде.»
Тергеу мен сараптама: жауап күтілуде.
Құзырлы органдар оқиғаның нақты себебін анықтау үшін сот-медициналық сараптама жүргізіп, тергеу жұмыстарын жалғастыруда. Оқиғаға қатысты қандай да бір күдіктілер туралы ақпарат әзірге жарияланған жоқ.
Әнел Еріктың оқиғасы еліміздегі жастардың жоғалуына байланысты қоғам назарын тағы бір мәрте аударды.
