«Қазгидромет» РМК бүгінге, 13 маусымға арналған ауа райы болжамын жариялады, деп хабарлайды Malim.kz.
«Қазгидромет» РМК мәліметінше, атмосфералық фронттардың өтуіне байланысты 13 маусымда еліміздің басым бөлігінде ауа райы құбылмалы болады. Жаңбыр жауады, күн күркірейді.
Республиканың солтүстігі мен шығысында нөсер жаңбыр, бұршақ жаууы мүмкін. Тек Қазақстанның солтүстік-батысында және оңтүстік-батысында жауын-шашын болмайды.
Республика бойынша жел күшейеді.
Күндіз Батыс Қазақстан, Атырау, Ақтөбе, Маңғыстау облыстарында, Қостанай облысының оңтүстігінде қатты ыстық болады.
Батыс Қазақстан, Жамбыл, Алматы облыстарында, Жетісу, Ұлытау облыстарында, Маңғыстау, Түркістан, Қостанай облыстарында, Ақтөбе облысының солтүстік-шығысында, оңтүстікте, Абай облысының орталығында, батыста, оңтүстікте, Қарағанды облысының орталығында жоғары өрт қаупі бар.
Атырау, Маңғыстау, Түркістан, Қызылорда облыстарында, Батыс Қазақстанның батысында, Ақтөбенің оңтүстігінде, батысында, Жамбылдың шығысында, солтүстікте, Алматы облысының орталығында, Қостанай облысының оңтүстігінде, Жетісу облысының солтүстігінде төтенше өрт қаупі сақталады.
Фото: Egemen.kz
Байланысты жаналықтар
MalimBlocks
