«Ешқайсысы өз анасының жолын қуған жоқ»: Гүлзира Айдарбекова келіндеріне үлгі көрсетіп жүргенін айтты
Ол әлеуметтік желіде өзін сынағандарға жауап берді.
Танымал продюсер Гүлзира Айдарбекова кіші келіні Индирамен бірге трендтегі видео түсіріп, қызу талқыға түсті, деп хабарлайды Malim.kz.
Гүлзира Айдарбекова келіндеріне көңілі толатынын айтады. Ол әлеуметтік желіде жазылатын сын-пікірлерге жауап берді.
Келін жақсы болса, үйге күн нұры төгіліп тұрғандай ғой, шіркін?! Мамалап қас қабағыма қарап отырады, сілкінбейді, көгермейді одан артық не керек. Осылардан құдай айырмасын, ұрпағымды жалғастырып, көз қуанышым болып, ата-аналарымен мың жылдық құдай берген құда-жекжат болып жүруімізді жазсын, Алла! Осылар бақытты болса, құда мен құдағи да тыныш қой. Еркелесе еркелесін, еркелететін қыздарым да жоқ. Қиылып, күлімдеп шайын тырыспай беріп, мама деп тұрса, жүрегімді жұлып беруге дайынмын, – деп жазды продюсер.
Желі қолданушылары продюсерге жас келіндерімен жарыспай, жасына сай әрекет жасауды ұсынған. Алайда Гүлзира Айдарбекова келіндеріне үлгі аларлық ене болып жүргенін атап өтті.
Құдай шаршатпасын, қандай ұят тірлік көріп тұрсыз, басым жастыққа тиіп қалыпты ма қартайып?! Сізге отыру ұнаса, отыра беріңіз, менің шаруам да жоқ сіз жайлы әңгімем де жоқ. Үйренсін, үлгі алсын, менің оларға ұнағаным болар, ешқайсысы өз анасының жолын қуған жоқ, менің жолыммен келеді, байқамадыңыз ба?, – деп жазды Гүлзира Үсенқызы.
Айта кетейік, Гүлзира Айдарбекова бұған дейін келіндерімен қарым-қатынасы өте жақсы екенін және олардың үй тірлігінен еш қиналмайтынын айтқан еді.
Фото: әлеуметтік желі
MalimBlocks
