Қайрат Сатыбалдының (Нұрсұлтан Назарбаевтың жиені) бұрынғы әйелі – Гүлмира Сатыбалды тағы бір қылмыстық іс бойынша күдікті атанды, деп хабарлайды Malim.kz KazTAG агенттігіне сілтеме жасап.
Антикор мәліметінше, қазіргі таңда Сатыбалды Гүлмира Қайратқызы мен басқа да тұлғаларға қатысты «Vostochka» көпфункционалды тұрғын үй кешенінің құрылысы кезінде заңсыз әрекеттерге жол берілді деген факті бойынша тергеу жүріп жатыр.
Айта кетейік, Гүлмира Сатыбалды бұған дейін де бірнеше ауыр қылмыстық іске қатысты деп танылған. Оның ішінде:
- Универсиада-2017 нысандарын жөндеуге бөлінген қаржыны жымқыру,
- рейдерлік әрекет,
- адам ұрлау істері бар.
2023 жылдың 4 мамырында ол ҚР ҚК-нің 389-бабы (өзімбилік ету) және 125-бабы (адам ұрлау) бойынша 7 жылға бас бостандығынан айырылды.
Сонымен қатар, «Құрмет» орденінен айырылып, бизнесмен Турсен Алагөзовке 6,5 млрд теңге өтемақы төлеуге міндеттелді.
Фото: видеодан кадр
Байланысты жаналықтар
MalimBlocks
