Кеншілер зейнет жасын төмендетуді сұрап, петиция жариялады
Олар зейнетке шығуды 50 жасқа дейін төмендетуді ұсынды
![](/images/article-img/1600/23081-1720243324-m.jpeg)
«Қазақ көмір кәсіподақ» көмір өндірушілердің салалық кәсіподағы заңнамаға жерасты кәсіптері бойынша жұмыс істейтіндердің зейнетақы төлемдерінің лайықты деңгейін қамтамасыз ете отырып, зейнет жасын 50 жасқа дейін қысқарту бойынша өзгерістер енгізуді сұрайды, деп хабарлайды Malim.kz.
Осындай мүддемен онлайн-петиция жариялады. Онда кәсіподақ түрлі дәйек келтіреді. Мәселен, 1998 жылдан бері жеңілдетілген зейнетақы жүйесінің жойылуына байланысты жер астында 20-30 жылдап жұмыс істеген кеншілер денсаулығына зиян келетініне қарамастан жұмысын әрі қарай да жалғастыра береді.
2006 және 2017 жылдары «АрселорМиттал Теміртау» АҚ көмір департаментінің шахталарында болған еңбек даулары кезінде де кеншілер қойған негізгі талаптардың бірі зейнет жасын қысқарту болды.
Кеншілердің зейнеткерлік жасын төмендету мәселесін көтере отырып, кәсіподақ мына дәйектерді ескеруді сұрайды:
- статистикалық мәліметтерге сәйкес, өлімге, жарақат алуға және кәсіптік ауруларға әкеп соқтыратын өндірістегі жазатайым оқиғалардың жалпы санында ең үлкен үлес көмір өнеркәсібінде;
- азаматтардың жекелеген санаттары бойынша жеңілдікті зейнеткерлікке шығу туралы бұрын қабылданған оң шешімдер көмір өнеркәсібі қызметкерлеріне қатысты осындай шешімнің қабылдану мүмкіндігін растайды.
Фото: Almaty.tv
Байланысты жаналықтар
MalimBlocks
![](/images/article-img/600/24409-1725174233.jpeg)