«Назарбаевтан кешірім сұрап, жазадан оңай құтылатын»: Мәжіліс депутаты Бишімбаевтың сотына қатысты пікір білдірді

Ескі Қазақстанда сот отырыстары жабық өтіп, кім нені қарап жатқаны, істі қалай саралап жатқан белгісіз болатын.

Берік Дәулетов

  • 10.05.2024

Қазақстанның сот жүйесі ауқымды өзгерісті бастан өткеріп жатыр. Білесіздер, дәл қазір бүкіл Қазақстан экс-министр Бишімбаев ісін қадағалап отыр. Неге?

Себебі іс тұрмыстық зорлық-зомбылыққа қатысты. Бұл – бір. Ал аталған мәселе қоғамда ушығып тұр. Бұл туралы белгілі адвокат, Мәжіліс депутаты Абзал Құспан өзінің facebook-парақшасында осындай пікір білдірді, деп хабарлайды Malim.kz.

Екінші, сот процесі ашық өтіп жатыр. Кез келген адам YouTube желісінен отырысты тамашалай алады. Тіпті, бұл іс ел ауқымынан шығып, Washington Post, Al Jazeera секілді алпауыт медиаларда айтылды.

Бұған дейін Парламент мінберінен бірнеше рет судьяларға, сот жүйесіне қатысты сын айтқан едім. Қазір ескі Қазақстанның сарқыншақтары жойылып,

Президент тапсырмасына сәйкес ашықтық қалыптасып келе жатқанына куә болып отырмыз, - деп жазды ол.

Абзал Құспанның пікірінше, бұл іс – бүкіл халықтың назарын аударған алғашқы сот отырысы.

Бишімбаев ісінің тікелей эфирден көрсетілуі халықтың құқықтық сауатын арттырады. Енді, азаматтар сот отырысы қалай өтетінін, қорғаушылардың міндетін, сот пен прокурордың қалай жұмыс істейтінін үйренеді. Мұның бәрі, әлбетте, оң өзгерістер. Ең бастысы – осы арқылы қоғамның сот жүйесіне, оның әділдігіне сенімі арта бастады. Ашық өткен процесте біреу-міреуді сатып алу мүмкін емес.

Бұл іс – бүкіл халықтың назарын аударған алғашқы сот отырысы. Алматыда автобус жүргізушісін ұрған адамға қатысты сот отырысы да тікелей эфирде көпшілікке көрсетілді. Сонымен қатар Қарағандыда жедел-жәрдем көлігі жүргізушісін ұрған адамға қатысты іс те онлайн көрсетілді, - деді адвокат.

Мәжіліс депутаты Бишімбаев Назарбаевқа жақын болғанын, бұған дейін кешірім сұрап, жазадан оңай құтылатынын айтты. Қазір бұлай жасау мүмкін емес. 

Ескі Қазақстанда сот отырыстары жабық өтіп, кім нені қарап жатқаны, істі қалай саралап жатқан белгісіз болатын. Бұған дейін Қуандық Бишімбаевтың сотталып, кейін босап шығуы да осы себепті еді. Кім Назарбаевқа жақын болды не кешірім сұрады, сол жазадан оңай құтылатын.

Қазір бұлай жасау мүмкін емес. Сот отырысын тікелей эфирден көрсету арқылы, оған алқабилерді қатыстыру арқылы сот жүйесінің ашықтығын қамтамасыз етіп отыр. Әрине, бұл бағытта атқаратын жұмыс жетерлік. Сот жүйесіне, алқабилерге қатысты заң жобаларын әлі де жетілдіру керек. Бірақ ең бастысы, сең қозғалды. Енді оны тоқтату мүмкін емес! - деді Абзал Құспан.

Коллаж: Ulysmedia.kz 

Байланысты жаналықтар

Істі болған АМӨЗ-дің бұрынғы басшысы сотта жеңіп шықты

22.06.2024

СҚО-да бұрынғы күйеуін пышақтап өлтірген әйел 3 жылға сотталды

21.06.2024

Бишімбаев пен Байжановтың апелляциялық соты да тікелей эфирде өтеді

21.06.2024

Түркістанда балаларын қылқындырып өлтірген мұғалім әйелге үкім шықты

21.06.2024

АШМ Балық шаруашылығы комитетінің төрағасы сотталды

19.06.2024

Танымал блогер зорлау айыбы бойынша 5 жылға сотталды

18.06.2024
MalimBlocks
Істі болған АМӨЗ-дің бұрынғы басшысы сотта жеңіп шықты

Енді ол сот шешімімен қызметіне қайта оралатын болды

СҚО-да бұрынғы күйеуін пышақтап өлтірген әйел 3 жылға сотталды

Белгілі болғаны, туыстарында қонақта болған әйел алкогольдік ішімдік ішіп, бұрынғы күйеуімен жанжалдасып қалған.

Бишімбаев пен Байжановтың апелляциялық соты да тікелей эфирде өтеді

Бұл туралы Жоғарғы соттың баспасөз қызметі мәлім етті.

Түркістанда балаларын қылқындырып өлтірген мұғалім әйелге үкім шықты

Сотталушы 15 жылын орташа режимдегі колонияда өткізеді.

АШМ Балық шаруашылығы комитетінің төрағасы сотталды

Олар жалпы қамқорлығы үшін 2021 жылдан 2024 жылдың ақпанына дейін шағын және орта бизнес өкілдерінен жүйелі түрде пара алды деп айыпталды.

Танымал блогер зорлау айыбы бойынша 5 жылға сотталды

Сот процесі жабық режимде өтті