Отарда комаға түскен сарбаздың жағдайы белгілі болды

Қорғаныс министрлігінің ресми өкілі Руслан Жанғулин Отарда комаға түскен сарбаздың жағдайы туралы айтты, деп хабарлайды Malim.kz «Адырна» сайтына сілтеме жасап.

Ол 19 жастағы Нұржігіт Әбділпаттың Алматыдағы клиникалық госпитальде жатқанын мәлімдеді.

Сарбазға қажет барлық медициналық көмек көрсетілуде. Әскери дәрігерлер мен өзге мамандар күн сайын бақылап, емдеп жатыр. Қазір оның жағдайы ауыр болғанымен, күннен күнге жақсарып келеді. Қызметтік өкілеттігін асыра пайдаланған әскери қызметшіге қатысты әскери тергеу органдары жедел-іздестіру шараларын жүргізіп жатыр. Тергеу мүддесі үшін басқа ақпарат жарияланбайды, — деді министрлік өкілі ОКҚ-да өткен брифингте.

Фото: pixabay.com