Павлодар мен Екібастұз қаласына жаңа жылдық безендіруге 80 млн бөлінеді
"Жаз уақыты өте қысқа болғандықтан, халықтың көңілін көтеруге, жайлы жерлерді ұйымдастыруға мүмкіндіктер шектеулі" деді облыс әкімі
Жаңа жылды сән салтанатымен атап өткіш әкімдер бұл жолы да қомақты қаржы бөледі. Орталық коммуникациялар қызметінде Павлодар облысының әкімі Асайын Байханов Павлодар мен Екібастұз қалалары бойынша жаңа жылдық безендіруге қанша ақша жұмсалатынын айтты.
Журналистер өңір басшысынан былтыр Павлодар облысына шырша сатып алуға 52 миллион теңге бөлінгенін, биыл жаңа жылдық безендірулерге кететін шығын қанша болатынын сұрады. Облыс әкімі жалпы қалаларға бөлінетін қаражат жыл сайын 50 мен 60 миллион теңгеннің шамасында екенін айтты.
"Мысалы Екібастұз қаласына 38 миллион берілсе, Павлодарға 52 миллион бөлінеді. Соның ішінде мұз қалашығына және көшелерді жарықтандыруға, безендіруге жыл сайын осындай қаражаттар кетеді. Негізі біздің облысымыз солтүстікте орналасқасын, жаз уақыты өте қысқа болады. Сол себепті халықтың көңілін көтеруге және жақсы, жайлы жерлерді ұйымдастыруға да мүмкіндіктер шектеулі. Сондықтан біз безендіруге, қаланы абаттандыруға да қаражат бөліп жүрміз", – деді Павлодар облсының әкімі Асайын Байханов.
Фото: beeline.pavon.kz
