Қостанай облысында ұшақ апатқа ұшырады: Оқиғаның мән-жайы анықталып жатыр
Ұшақта 2 экипаж мүшесі мен 3 қызметкер жолаушы болған.
Қостанай облысында санитариялық рейс бойынша ұшып шыққан Ан-2 ұшағы күрт төмендеп, суға қонуға мәжбүр болды. Ұшақтың ішінде 5 адам болған, деп хабарлайды Malim.kz Көлік министрлігінің Telegram-дағы ресми арнасына сілтеме жасап.
Бүгін Арқалық-Ақсұңқар (Қостанай) рейсін орындаған №AK31224 Ан-2 санитариялық ұшағы сағат 16:10-да көкке көтеріліп, кейін күрт төмендей бастаған. Салдарынан ұшақ тоғанға қонуға мәжбүр болған.
Ведомство дерегінше, ұшақтың мемлекеттік тіркеу нөмірі UP-A0124.
Ол "Навигатор" авиакомпаниясына тиесілі. Министрлік ақпараты бойынша, ұшақта 2 экипаж мүшесі мен 3 қызметкер жолаушы болған.
Барлық жолаушы мен экипаж мүшесі Қостанай облысы Төтенше жағдайлар департаментінің күшімен Арқалық қалалық ауруханаға эвакуацияланды. Алдын ала мәлімет бойынша, зардап шеккендер жоқ, - делінген хабарламада.
Оқиға орнына Көліктегі оқиғалар мен инциденттерді тексеру жөніндегі департаменттің қызметкерлері жіберілген.
Бұл апат авиациялық оқиғаға жатады және оны тек азаматтық авиация саласындағы уәкілетті орган тергей алады. Оқиғаның мән-жайын анықтау мақсатында комиссия құрылды, - деп жазды министрліктің баспасөз қызметі.
Ведомство баспасөз қызметінің мәліметіне сүейнсек, әуе апаты неліктен болғаны және оқыс оқиғаның өзге де мән-жайы анықталып жатыр.
Еске салсақ, бұған дейін Қостанай облысында ұшақ апатқа ұшырағанын жазған болатынбыз.
Фото: интернеттен
MalimBlocks
Зауыттағы апат: Ерлан Нығматулин өндіріс нысанын қандай ақшаға салды?
Өткен аптаның соңында Қарағанды YDD Corporation ферроқорытпа зауытында қайғылы жағдай орын алды. Өндіріс орнындағы №1 пеш өртеніп, сегіз жұмысшы зардап шеккен. Өкінішке қарай, 25-шілде күні алған жарақаты салдарынан екі адам қайтыс болды.
