Қостанайда әкімнің жиналысы өтіп жатқан уақытта жарық өшіп қалды, деп хабарлайды Malim.kz «Алау» басылымына сілтеме жасап.
Электр қуатының үзілуі туралы Қостанай ГЭС басшысы Есет Әлиев түсініктеме берді. Қостанайда бұл мәселе соңғы уақытта жиілеп кетті. Қала тұрғындары «Айкөмекке» электр қуатының үзілуіне қатысты жиі шағымданатын болды.
Апаттың салдарынан шағын аудандар жиі жарықсыз қалады. Ал электрмен жабдықтау ұйымы себептердің әртүрлі екенін мәлімдеді. Бірақ көбінесе желілердің барынша тозуынан болып отыр.
«Бізде электрмен жабдықтау тұрақты болуы керек. Қазандықтарда, қаламыздың барлық жерінде. Сол сияқты «Қостанай-су» тұрақты болуы тиіс. Ешқандай сұрақ болмауы керек. Сол себепті қайта тексеру керек. Тиісінше, емдеу мекемелері де электр қуатынсыз қалмауы қажет. Қалғандарына шыдай аламыз, ал бұған кепілдік берілуі тиіс», – деп атап өтті Қостанай облысының әкімі Марат Жүндібаев.
Белгілі болғандай, механикалық зақымдану салдарынан электр қуаты үзілген.
«Атап айтқанда, жарықтың өшуі 10кВ «заводская-РП-13» кабельдік желісінің үшінші тарап ұйымының араласуына байланысты болды. Бұл қаланың орталық бөлігінде электр қуатына әсер етті. Сондай-ақ, Қостанай қалалық электр желісі барлық жұмысын «ЭПК-Forfait» ЖШС-мен алдын ала келісу қажет екенін хабарлайды», – деді Есет Әлиев.
Фото: «Алау»
MalimBlocks
