Маңғыстау облысында қатарласын соққыға жыққан «Білім-инновация» лицейінің оқушылары анықталып, ата-аналарымен бірге полицияға жеткізілді, деп хабарлайды Malim.kz.
16 сәуірде мектеп бітірушіні үйінің дәл қасында құрдастары соққыға жыққан. Оның себебі көреалмаушылық екен, себебі ол жақында ғана шетелдік университеттің грантын жеңіп алған. Сондай-ақ шабуылға оның лицей президенті болған құрдасы себепкер екені белгілі болды.
Полиция мәліметінше, соққыға жығу дерегі бойынша қылмыстық іс қозғалған. Сонымен қатар, оқушылардың ата-аналары немесе заңды өкілдерінің жауапкершілігі қаралатыны айтылды.
Lada.kz жазуынша, жігітті үйінің маңында жиналған жұрт ұрып-соққан. Баланың әкесі көмекке жүгіргенімен, қарсы тұра алмай, соққыға жығылған.
Зардап шеккендердің екеуі де қазір ауруханада. Дәрігерлер оларға 11-сынып оқушысы мен оның әкесі түскенін растаған.
Полиция мәліметінше, соққыға жығу дерегі бойынша қылмыстық іс қозғалған. Сонымен қатар, оқушылардың ата-аналары немесе заңды өкілдерінің жауапкершілігі қаралатыны айтылды.
Сонымен қатар, әкімдік жанындағы кәмелетке толмағандардың құқықтарын қорғау комиссиясына материалдар дайындалып жатыр. Барлық кінәлі профилактикалық есепке алынады, - делінген хабарламада.
