Отандық танымал әнші Роза Әлқожа жаңа оқу жылы қарсаңында ойы сан-саққа жүгірген ата-аналарға өзінің тәжірибесі туралы айтып берді, деп хабарлайды Malim.kz.
Өнер иесі былтыр балаларын ақылы мектепке беріп, сол үшін қатты өкінгенін алға тартты. Өзінің айтуынша, ол интернеттегі жарнамаға қызығып, екі баласын да бір мектепке ауыстырған. Алайда бұл шешімінің қате болғанын түсініпті.
Мектепке дайындалып жатырсыздар ма? Биыл мектеп формасын алуға, студенттерді шығарып салуға мүлде қолым тимеді. Келін алғаным да дұрыс болған екен! Былтыр бір мектепке IT мамандығы бар деп әрі бізге тегін болғаны үшін балаларды ауыстырып едік. «Арзанның сорпасы татымайды» болып қалдық. Бір бала бейімделе алмай, өзін таппай қалды. Біреуінің сабағы нашарлап, бір жылда үш сынып жетекшісі ауысты ғой. «Қой» деп қызды қайта баяғы мектебіне ауыстырдым. Жарнамасын жасатып алған соң, «бағасы миллион бірдеңе» деп шығады екен ғой бұл ақылы мектептер?! Жарайды, бастысы, баламыздың санасы, сауаты дұрыс болсын, - деп жазды әнші өзінің Instagram-дағы парақшасында.
Фото: instagram.com/roza_alqozha
Байланысты жаналықтар
MalimBlocks
