Қазақстандық танымал волейболшы Сабина Алтынбекова жеке өміріндегі өзгерістер туралы жариялады, деп хабарлайды Malim.kz.
Ол бұл туралы Instagram парақшасында хабарлап, шынайы құндылықтардың маңыздылығына тоқталды.
«Басқалардың пікірлері өз ойыңнан басым түсетін әлемде өзіңе адал болу – маңызды құндылық. Бұл жай ғана ішкі мән емес, бұл – өзіңе деген құрмет пен шынайы махаббат», – деп жазды спортшы.
Алтынбекова шынайы құндылықтың өзгелердің бағалауымен өлшенбейтінін атап өтті. Бұл мәлімдеме оның жеке өміріне қатысты оқырмандарының түрлі пікір білдіруіне себеп болды.
Желі қолданушылары спортшыны қолдап, оның батылдығын жоғары бағалады. «Өзіңе адал бол», «Сұлулықтың тамаша үлгісі!», «Бақытты бол!» деген сынды пікірлер легі толастамады.
Айта кетейік, Сабина Алтынбекова спорттық мансабымен ғана емес, өз көзқарасын ашық білдіруімен де танымал.
Фото: іnstagram.com/altynbekova_20/
