Салтанат Нүкенованың ағасы Қуандық Бишімбаевтан материалдық шығын өндіріп алмақ
Нақты сома көрсетілмеген.
Салтанат Нүкенованың ағасы Айтбек Амангелді экс-министр Қуандық Бишімбаевтан материалдық шығын өндіріп алу және моральдық шығын өтеу жөнінде азаматтық іс қозғады, деп хабарлайды Malim.kz.
Іс материалдары Жоғарғы cоттың сайтындағы сот кеңсесінде пайда болды. Айтбек Амангелді сотталушыдан материалдық шығынды өндіруді және моральдық шығынды өтеуді талап еткен, бірақ нақты сома көрсетілмеген.
Сонымен қатар ол ата-анасын іске үшінші тұлға ретінде тарту бойынша сотқа арызданған. Талап арызды Астана қаласының азаматтық істер жөніндегі ауданаралық сотының судьясы Жұмаев қарайды.
Сот отырысы 2024 жылғы 3 қыркүйек сағат 11:00-ге тағайындалды.
Естеріңізде сала кетейік, Қуандық Бишімбаев өзінің әйелі Салтанат Нүкенованы өлтірді деп айыпталып, 24 жылға сотталды.
Фото: Жоғарғы сот
Байланысты жаналықтар
MalimBlocks
