Кеше өткен сауда қорытындысы бойынша Қазақстан қор биржасында (KASE) доллар бағамы тағы да төмендеді, деп хабарлайды Malim.kz.
KASE-дегі сауда нәтижесінде АҚШ долларының орташа сараланған бағамы 479,98 теңгені құрап, алдыңғы күнмен салыстырғанда 5,28 теңгеге арзандады.
Еуро бағамы да төмендеп, 545,53 теңге болды. Бір күнде еуропалық валюта 7,08 теңгеге арзандады.
Ал Ресей рублінің орташа бағамы 6,16 теңгені құрап, 0,06 теңгеге төмендеді.
Осылайша, теңге негізгі шетел валюталарына қатысты нығаюын жалғастырып отыр.
