Шетелдіктер асырап алған тағы бір қазақ анасын іздеп, Қазақстанға келді
Жандос елге келген бойда өзі тәрбиеленген сәбилер үйіне барған
Осыдан 17 жыл бұрын Канадаға кеткен Жандос Рейн Ақтауға келді, деп хабарлайды Malim.kz "Маңғыстау" облыстық телеарнасына сілтеме жасап.
Жандосты асырап алған әйел оның күтушісін бірден таныды. Әйелдің айтуынша, бала ол кезде 10 айлық болған.
Кішкентай кезінен Жандосқа оны асырап алғанымызды айтып келдік. "Туған анасын көргісі келе ме, жоқ па?" оны өзі шешеді деп келдік. Ол Торонтода қазақ достарымен жиі кездесіп, араласып тұрады. 17 жасқа толғанда достары да анасын табуға кеңес берген. Біз оның ниетін қолдадық. "Шетелдегі қазақ балалары" бағдарламасының авторы Жанар Байсемізге хабарластық. Ол кісінің арқасында Жандостың анасын таптық. Кеше ғана Ақтауға келіп, Жандостың туған анасымен кездестік, - дейді Жандостың перзентханадағы медбикесі.
Жандос елге келген бойда өзі тәрбиеленген сәбилер үйіне барған.
Анам менен көз жазып қалса да, тастап кетсе де оған өкпем жоқ. Анамды жазғырғым келмейді. Керісінше, болашаққа көз тастаймын, екеуміздің тағдырымыз сондай болды. Егер мені Канадаға алып кетпегенде, сол жақта өспегенде, қазіргі қырларым ашылмас па еді? Мені барлығы керемет қарсы алды. Менің халқым, ұлтым қонақжай екен, - дейді Жандос Рейн.
Итальян, француз, неміс тілдерінде ән салатын Жандос биыл консерваторияға қабылданған.
Фото: mangystautv.kz кадр
Байланысты жаналықтар
MalimBlocks
Қазақ салт-дәстүрінің шығуының негізі бар
Қайбір жолы Алматыда атақты Бауыржан Момышұлының келіні – Зейнеп Ахметова халықпен кездесіп, тәлімге толы кеш өткізген болатын. Осы жүздесуде Зейнеп апа батыр атасынан қандай өнеге алғанын, ұрпақ тәрбиесі мен қазақ ұлтының салт-дәстүрі жайлы баяндап берген еді.
