Ұлттық статистика бюросының мәліметінше, ұлттық санақ 2025 жылдың 1 тамызынан 20 қазанына дейін өткізіледі. Сол жылдың 15 мамырынан маусым айына дейін қалалық жерлерде саяжайлар мен бақша учаскелері бойынша алдын ала аралау жоспарланған. Ал сауалнама 13-15 күн ішінде өткізіледі.
Статистика департаментінің ұлттық санақ өткізу басқармасының басшысы Әсел Сәрсекова брифинг барысында Қазақстанда пилоттық ауыл шаруашылығы санағы өткізілетінін хабарлады.
«Негізгі сауалнаманы аумақтық бөлімшелердің қызметкерлері жүргізетін болады. Біз пилоттық жобаға сұхбат алушыларды тартпаймыз, сауалнаманы өз күшімізбен жүргіземіз. Сауалнама қалалық жерлерде 13 күн ішінде, ауылдық жерлерде 15 күн ішінде жүргізілетін болады», - деді ол.
«1-31 тамыз аралығында онлайн-санақ болады: респонденттер сайтта санақ парақтарын өз бетінше толтыра алады. Содан кейін 20 күн ішінде деректерді өңдеу бойынша жұмыс жүргізілетін болады», - деді Ә.Сәрсекова.
Одан әрі - 20 қыркүйектен 20 қазанға дейін - үй шаруашылықтарынан сауалнама алынады.
Бюро мәліметінше, Қазақстандағы қазақтардың саны — 13,4 млн болып, қазақтардың үлесі 70,4% дейін өскен. Сонымен қатар елімізде қала тұрғындарының үлесі 5 пайыздық тармаққа өсті – 56,1%-дан 61,2% -ға дейін. Тиісінше, ауыл халқының үлесі 43,9%-дан 38,8%-ға дейін азайды. Сондай-ақ 2009 жылғы санақтан бері Қазақстан халқы 20% өсті.
Фото: newtimes.kz
