«Жабайылық»: Меруерт Түсіпбаева аяғын уқалатқан имамды сынады
Әнші балаларға білім беруге ұмтылу керек деп санайды.
Отандық танымал әнші Меруерт Түсіпбаева мешітте шәкірттеріне аяғын уқалатқан имамның видеосына қатысты пікір білдірді, деп хабарлайды деп хабарлайды Malim.kz.
Өнер иесі мұны жабайылық деп атаған.
Бір апта бойы талқыланып жатқан жабайылық деген – осы. Жабайылық деген осы болар, сірә?! Болашағы жарқын болсын десеңіз көкжиегін кеңейтіп, балаларыңыз саяхаттасын, тіл үйренсін, кітап оқысын, білімді мен сауатты заманауи болсын! деп жазды әнші.
Оқиға Сарыағаштағы медреседе болған. Көп ұзамай Қазақстан мұсылмандары діни басқармасы медресенің бас ұстазының бұл әрекетін сынады.
Мешіт – құлшылық үйі, жамағат жиналатын рухани орда, қасиетті мекен, тәрбие орны. Құлшылық үйіне келген адам мешіт әдебін сақтауы тиіс. Бұл – мұсылманның көркем мінезінің бір. Түркістан облысы Сарыағаш ауданындағы мешітте болған оқиға әлеуметтік желілерде тарап, қоғамның түрлі пікір қайшылығын тудырды. Осыған орай Қазақстан мұсылмандары діни басқармасы қасиетті орында қоғам наразылығын тудырған әрекетке жол бергені үшін мешіт имамына ескерту жасады, делінген ақпаратта.
Мүфтият көпшілікті мешіт әдебін сақтауға үндеді.
Фото: видеодан кадр
