Павлодар облысында жоғалған кәмелетке толмаған баланы іздестіру операциясы сәтті аяқталды, деп хабарлайды Malim.kz.
Оқиға Шолақсор көлі маңында болған. Алдын ала мәлімет бойынша, 2010 жылы туған жасөспірім сағат 16:00 шамасында балық аулауға шығып, қайта оралмаған.
Іздеу жұмыстарына Екібастұз қаласы ТЖБ қызметкерлері, кинологиялық есептоп және полиция қызметкерлері жұмылдырылды.
Құтқарушылардың жедел әрі үйлесімді әрекеттерінің нәтижесінде жасөспірім қысқа уақыт ішінде табылып, аман-есен құтқарылды. Оның өмірі мен денсаулығына қауіп жоқ.
ТЖМ су айдындары маңында қауіпсіздік талаптарын қатаң сақтауды және балаларды қараусыз қалдырмауды ескертеді.
