Ақтау маңындағы ұшақ апаты кезінде 33 жастағы әзербайжандық Хокума Әлиева да қаза болды. Ол 2016 жылдан бері әуекомпанияда қызмет еткен. Ұшақ құлап бара жатқанда жолаушыларды сабырға шақырып, үйрейленбеулерін, бәрінің жақсы болатынын айтумен болған. Бұл туралы Әзірбайжан ақпарат құралдары жарыса жазып жатыр.
Әлиеваның отбасы қыздарының көптеген елде болғанын және отбасындағыларға: «Менімен мақтанатын боласыңдар» деп әзілдеп айтатынын жеткізді.
Хокума 6 жасына дейін Ресейде оқыған. Ол заңгер мамандығы бойынша білім алып, кейін бортсерік болуды қалаған.
– Ол өте мейірімді еді. Көп елде болған. Менімен мақтансаңдар болды дейтін. Бір күні сапардан келген бетінде ұшақтары құлай жаздағанын айтқан. ...Бірақ бұл жолы менің қызым оралмады, – дейді марқұмның әкесі.
Әлиеваның ұшақ құлдилағанда жолаушыларды сабырға шақырған дауысы көпті жылатты. Ол бәрін шуламауға, үрейге берілмеуге үндеген. Әзірбайжан халқы әлеуметтік желілерде батыр қыздарын жоқтап жатыр.
MalimBlocks
