Армения ҰҚШҰ-ға қаржы бөлуді тоқтатты

Армения 2024 жылға арналған ҰҚШҰ (ОДКБ) бюджеті туралы шешімге қол қоюдан бас тартып, ұйым қызметін қаржыландыруға қатыспайтынын мәлімдеді, деп хабарлайды Malim.kz.

Армения тарапынан ҰҚШҰ Хатшылығына 2024 жылға арналған бюджет туралы шешімге қол қойылмайтыны және, тиісінше, ұйымның қызметін қаржыландыруға қатыспайтыны жөнінде ресми түрде хабар берілді, – делінген министрлік мәлімдемесінде.

Сонымен қатар, Сыртқы істер министрлігі ҰҚШҰ-ның ішкі рәсімдеріне сәйкес, ұйымның жылдық бюджетіне қатысты ақпарат ашық түрде жарияланбайтынын атап өтті.

Бұған дейін Ресей Сыртқы істер министрінің орынбасары Александр Панкин Армения 2025 жылдың соңына дейін өз жарнасын төлемесе, ҰҚШҰ-ға мүше мемлекеттер түрлі сценарийлерді қарастыруы мүмкін екенін мәлімдеген болатын.

Айта кетейік, өткен жылдың мамыр айында Армения 2024 жылы ұйым бюджетін қаржыландырудан ресми түрде бас тартқан еді. Соған қарамастан, ҰҚШҰ өкілдері 2025 жылға арналған жарна сомасы бәрібір есептелетінін хабарлаған.

Фото: © Sputnik / Aram Nersesyan