Әзербайжан-Армения шешілмеген мәселелер бойынша келіссөздерін жалғастырады
Екі елдің Сыртқы істер министрлері Алматыда кездесті
![](/images/article-img/1600/21845-1715428457-m.jpeg)
10-11 мамырда Алматыда Әзербайжан Республикасының Сыртқы істер министрі Джейхун Байрамов пен Армения Республикасының Сыртқы істер министрі Арарат Мирзоян арасында келіссөздер өтті, деп хабарлайды Malim kz.
Әзербайжан Сыртқы істер министрлігінің хабарлауынша, министрлер делимитация бойынша ілгерілеуді және осыған байланысты қол жеткізілген келісімдерді құптады.
Министрлер мен олардың делегациялары Әзірбайжан мен Армения арасындағы бейбітшілік пен мемлекетаралық қатынастарды орнату туралы екіжақты келісім жобасының ережелерін талқылауды жалғастырды. Тараптар әлі де шешілмеген мәселелер бойынша келіссөздерді жалғастыруға келісті, делінген ресми хабарламада.
Сондай-ақ, сапар барысында министрлер ҚР Премьер-Министрінің орынбасары – Сыртқы істер министрі Мұрат Нұртілеумен жеке және үшжақты форматта кездесті.
Министр Джейхун Байрамов Әзербайжан мен Армения арасындағы келіссөздер жүргізгені үшін қазақстандық тарапқа алғысын білдірген.
Фото: СІМ
Байланысты жаналықтар
MalimBlocks
![](/images/article-img/600/24584-1725691349.jpg)