Өткен аптада әлеуметтік желіде Ұлттық қауіпсіздік комитетінің экс-төрағасы, сотталған Кәрім Мәсімовтің бостандықта, әлдебір мерекелік шарада жүргені туралы әңгіме айтылған еді.
Мәжіліс қабырғасында Ішкі істер министрі Ержан Сәденов мұндай қауесет шындыққа жанаспайды деген тұрғыда пікір білдірді.
- Тұтқындардың барлығын көрсете алмаймыз. Ол сотталып, түрмеде отыр», - деп қысқаша жауап берді Сәденов.
Еске салайық, ҰҚК бұрынғы төрағасы Кәрім Мәсімовке қатысты сот үкімі былтыр 24 сәуірде шыққан. Оған «Қаңтар оқиғасының басты ұйымдастырушысы, мемлекетке опасыздық жасау, билікті күшпен басып алу, билік пен лауазымдық өкілеттігін асыра пайдалану» деген айып тағылып, 18 жылға сотталды. Мүлкі тәркіленіп, өмір бойына мемлекеттік қызметте лауазымды қызмет атқару құқығынан да айырылды.
ФОТО: ИНТЕРНЕТТЕН
