Кәрім Мәсімовтың інісі Нұрлан Мәсімовке іздеу жарияланды.
Оған Қылмыстық кодекстің 366-бабының 4-бөлігі «Пара алу» бойынша айып тағылып отыр. Антикор хабарлауынша, Павлодар облысы полиция департаментінің экс-бастығы полиция генерал-майоры Н.М. Мәсімов аса ірі мөлшерде пара алды деген күдікке ілінген.
Істі Сыбайлас жемқорлыққа қарсы іс-қимыл агенттігінің облыстық департаменті ішкі істер министрлігімен бірлесіп тергеп жатыр.
Қазіргі уақытта Н.М. Мәсімовке іздеу жарияланып, оның орналасқан жерін анықтау бойынша қажетті жедел-іздестіру іс-шаралары және істің барлық мән-жайын анықтауға бағытталған басқа да тергеу іс-әрекеттері жүргізіліп жатқаны хабарланды.
Нұрлан Мәсімов пен ҰҚК-ның бұрынғы басшысы Кәрім Мәсімовтің әкелері бір-біріне аға-іні болып келеді.
Еске салсақ, 20 сәуірде сот Павлодар облысы полиция департаментінің бұрынғы басшысы Нұрлан Мәсімовті сырттай қамауға алуға санкция берген болатын.
MalimBlocks
