Атырау облысының Индер ауданында Жайық өзеніне батып кеткен 13 жастағы жасөспірімді іздеу жұмыстары екінші тәулік қатарынан жалғасып жатыр, деп хабарлайды Malim.kz.
Алдын ала мәлімет бойынша, қайғылы оқиға 5 шілде күні сағат 16:00 шамасында Есбол ауылында болған. Жасөспірім өзен жағасына бауырымен бірге барып, суға батып кеткен.
Есбол ауылдық округінің әкімі Асхат Тілекқабыловтың айтуынша, қазіргі уақытта іздестіру-құтқару операциясы тоқтаған жоқ.
Іздестіру жұмыстарына құтқару қызметінің мамандары мен жергілікті тұрғындар жұмылдырылған. Оқиғаның мән-жайы анықталып жатыр.
