Сайлауда жеңіліп, онысын мойындамай отырған АҚШ президенті Дональд Трамптың жұбайы Меланья жарының өкілеттігі біткен соң, ажырасуға өтініш беретіні жайында ақпарат тараған. Бұл ақпаратты Daily Mail басылымына сілтеме беріп, Malim.kz хабарлайды.
Ал Daily Mail басылымы АҚШ-тың бірінші ханымының бұрынғы көмекшілеріне сілтеме жасаған.
Ерлі-зайыпты Трамптар әлі күнге дейін ажыраспауының себебі, айырылысқан соң Меланья Трампты қудалауы мүмкін болған.
«Меланья оның қызметтен кеткенін күтіп отыр. Кейін ол ажыраса алады. (...) Егер Меланья кемсітуге төтеп беріп, Трамп билікте болған кезде одан кетіп қалса, оны жазалаудың әдісін табар еді", - дейді басылымға бұрынғы көмекшілерінің бірі Маниголт-Ньюман.
Бірінші ханымның тағы бір бұрынғы көмекшісі Стефани Волкоффтың айтуынша, Трамптың Меланьяға үйленуі келісім негізінде болған. Тіпті, ерлі-зайыптылар бөлек бөлмеде ұйықтаған. Стефани Волкоффтың пікірінше, Бірінші ханым Нью-Йорктен Вашингтонға инаугурациядан кейін 5 айдан соң көшкен. Ол некеден кейінгі келісім туралы келіссөздерге байланысты болған. Себебі, президенттің ұлы Бэррон мұрадағы өз үлесін алуы керек болыпты.
Материалда Меланья Трамптың жұбайымен тамаша қарым-қатынасы туралы бірнеше рет айтылған. Алайда адвокат Кристина Приваттың пікірінше, Меланьяға күйеуін БАҚ-та неке шартының талаптары бойынша сынауға тыйым салынуы мүмкін.
Сонымен қатар, Трамп екінші әйелі Марла Мейплспен де осындай келісімге келген. Оған бұрынғы әйелі туралы кітап жазуға немесе сұхбатында ол туралы жағымсыз пікір айтуға тыйым салыныпты.
2005 жылдың қаңтарында Дональд пен Меланья Трамп отбасын құрған, ал бір жылдан кейін олардың ұлы Бэррон дүниеге келген.
Меланья Твиттер парақшасында күйеуін қолдап: "Америка халқы әділетті сайлауға лайық. Әрбір заңды дауыс саналуы керек. Біз демократияны ашықтықпен қорғауымыз керек" деп жазған.
MalimBlocks
Борис Джонсон Дональд Трампқа Украина мен Ресейді татуластыру туралы ұсыныс айтты
Ұлыбританияның экс-премьер-министрі және Украинаға әскери көмек көрсетуде белсенді қолдаушы Борис Джонсон британдық "Daily Mail" басылымына жазған бағанында бірқатар жайттарды алға тартты. Мақалада ол Дональд Трамп қайта сайланған жағдайда Украинаны құтқара алатынына сенім білдірген.
Трампқа жасалған қастандық: неліктен Қауіпсіздік қызметі шабуылдаушыға АҚШ-тың бұрынғы президентіне жақын келуіне мүмкіндік берді?
Шілденің 13-күні АҚШ-тың Пенсильвания штатында Дональд Трампқа қастандық жасалды. Осыдан кейін ел билігі мен БАҚ АҚШ-тың қазіргі және бұрынғы президенттерінің қауіпсіздігіне жауап беретін агенттіктің жұмысына назар аударды. Саясаткерлер, журналистер мен сарапшылар Трампқа оқ атқан адамның ол жерге қалай барғанын тыңғылықты зерттеуге кіріскен.
