Рысбек Сәрсенбайұлы: Сайлау кейінге қалуы керек

Елнұр Бақытқызы

  • 28.10.2020

Еліміздегі бір топ оппозициялық саясаткер, қоғам қайраткерлері мен белсенділер "Ел бірлігі" атты қозғалыс құрды. Біз осы қозғалыстың мүшесі, журналист, саясаткер Рысбек Сәрсенбайұлынан қозғалыстың мақсаты мен жоспары туралы сұрап білдік.

–  Рысбек аға, "Ел бірлігі" қозғалысының бастамашысы кім?

– Бұл бастама көпшіліктің арасынан шықты. Көпшіліктің тілегі, тіпті талабы десек те болады. Бізге хабарласқандар "бәріміз шашырап жүрміз, басымыз неге бірікпейді, оппозицияда бұрыннан жүрген адамдар, зиялы қауым, ақсақалдар, бәріңіз біріксеңіздер, сіздердің артыңыздағы халық та бірігеді" деді. Сөйтіп, наразы болып жүрген, қудаланып жүрген белсенділер, аймақтағы адамдар жиналып бірнеше рет қостық. Бізді біріктіретін ортақ мақсат болуы керек, сол мақсатты қолдаған адамдар сосын өздері-ақ топтасады деген қорытындыға келді.  Шындығында да, өмір мұның дұрыстығын көрсетті.  "Ел бірлігі" қозғалысының мақсаты  – елдің тілегін орындау, басын біріктіру, өзгеріс жасау. Ал бұл өзгеріс билікті өзгертуден басталады.  Ал биліктің ауысатын жері – сайлау. Бейбіт жолмен, халықтың қалауымен, Конституция мен конституциялық заңдар негізінде.

Бірақ осы сайлауда билікті ауыстырайық, мәжіліске, мәслихатқа елдің мүддесін ойлайтын, қорғайтын адамдар келсін десек, оған тағы мүмкіндік жоқ. Өйткені бұл сайлауға партияға мүше емес адамдар түсе алмайды. Қазақстанда 12-13 миллион сайлаушы бар десек, оның 1 миллионы ғана партия мүшесі. Демек, осындай әділетсіз заңмен сайлау өткізу керек пе? Әрине, қажет емес. Сондықтан сайлау дұрыс өтуі үшін, парламентте халық өкілдері болуы үшін "Саяси партиялар туралы", "Сайлау туралы" және "Бейбіт шерулер туралы" заңды өзгерту керек. Осы заңдар өзгерсе ғана саяси партиялар құрыла алады. Ал заңды талаптарды қою үшін "Бейбіт шерулер" туралы заңды өзгерту керек. Заң өзгеріп, жаңа партиялар құрылған соң ғана сайлау өткізу керек.

– Қозғалысқа кімдер мүше?

– Қозғалыстың басы-қасында ынталы топ, белсенділер жүр. Танымал адамдардан Балташ Тұрсымбаев, қозғалысқа қолдау көрсеткен Ғазиз Алдамжаров, Ермұрат Бапи, Гүлжан Ерғалиева, Хасен Қожа-Ахмет, Жарылқап Қалыбай, Марат Тоқашбаев, Есенғазы Қандық, Нұрлан Бұланбаев, Ғаббас Қабышұлы, Темірхан Медетбек, белсенділер Марат Тұрымбетов, Даная Қалиева, Геннадий Крестьянский, Рысбек Тоқтасын бар. Өткен сайлауға қатысқан бақылаушылар тобы да бар. Қатарымызға адвокаттар Шынқуат Байжанов, Абзал Құспан қосылды. Қозғалыстың жоғарғы органы құрылтай ақылдастар алқасын сайлайды. Үйлестіру орталығы бес бағыт бойынша жұмыс істейді.

Біз қойылған талаптар орындалмаса, яғни заңдар өзгермесе, сайлауды бақылаймыз. Сайлаудағы заңбұзушылықтарды анықтаймыз. Ақыр аяғында сайлау заңды өтті десе, қайта сайлау өткізуді талап етеміз.

– Бірқатар белсенді ЖСДП төңірегіне топтасып жатқандай. Олар ЖСДП-мен бірге сайлауға қатысуға мүдделі. Ал сіздер бойкот мәселесін көтересіздер ме?

– Бойкот мәселесі бар. Біз әзірге заңдарды өзгерту туралы талап қойып отырмыз. Егер ол талаптар орындалмаса, бүкілхалықтық бойкотқа кірісеміз. Қозғалыс құрудың өзін бойкот бастамасы деп есептеу керек. Өйткені ертеңгі сайлау нәтижесі қалай болатын түсінікті ғой. Бойкот деген мәселені өздері күн тәртібіне қойып береді. Бірақ бірден бойкот деп жариялап жатқанымыз жоқ, әзірге билік жауабын естімедік.

Ал жалпы, пандемияға байланысты сайлауды тоқтату керек деп есептейміз. Кешегі құрылтайдағы пікірлердің қорытындысы осындай. Өйткені егер биліктің халыққа жаны ашитын болса, сайлауға миллиондаған адам қатысуы керек. Ауру жұқтырудың алдын алу үшін сайлаушылар ара қашықтықты сақтайтындай дауыс беруді ұйымдастырса, бүкіл сайлаушы дауыс беріп үлгере алмайды. Біз сондай-ақ онлайн сайлауға қарсымыз.

Ал ЖСДП қатарына белсенділерді қосу арқылы сайлауға қатысу идеясын ұстанатындар бар. Сырттағы Ермек Нарымбаев, ХАҚ қозғалысының бастамашысы Тоғжан Қожалиева осы бағытты ұстанады. Алайда ол – үлкен қателік. Олар ставканы ЖСДП-ға қойып отыр. Ал ЖСДП екінші Қосановтың нақ өзі. Ертеңгі күні олар бас тартады. Екіншіден, бұл партияға халық сенімі жоқ. Халық үшін жұмыс істейтінін көрсете қойған жоқ. Халық сенбейтін партяға адамдарды қосу арқылы сайлауда жеңеміз деу – халықты алдау. Бұл сайлауды заңдастыру әрекеті.

 

 

Байланысты жаналықтар

Назарбаевтың інісі Самат Әбіш шартты түрде 8 жылға сотталды – Депутат

20.03.2024

Шенділер үшін өтірік жиын өткізу азарт па?

25.08.2023

Президентке  ашық хат.  Ар-ұятына кір жұқпаған жазушы бар.

10.05.2023

Ермұрат Бапи: Маған сенім артқан халықтан басқа ешкімнің алдында жауап беруге міндетті емеспін!

23.03.2023

Қайрат Нұрқаділов сайлаудан бас тартып, жолын Рысбек Сәрсенбайұлына бермек

03.03.2023

А. Орынбек М. Тайжанға қарсы. Р. Сәрсенбайұлы қолдап отыр

01.03.2023
MalimBlocks
Назарбаевтың інісі Самат Әбіш шартты түрде 8 жылға сотталды – Депутат

Бұл туралы Ермұрат Бапи әлеуметтік желідегі парақшасында жазды.

Шенділер үшін өтірік жиын өткізу азарт па?

Депутаттар биыл жазғы ұйқыларынан ерте оянғандай.

Президентке  ашық хат.  Ар-ұятына кір жұқпаған жазушы бар.

Редакциямызға бір топ ақын, жазушының атынан мемлекет басшысының атына ашық хат келіп түсті. Олар Жазушылар одағына жаңа басшыны ұсыныпты. Жазушылар одағының сайланбалы төрағасына президенттің не қатысы бар екенін түсінбедік. Дегенмен қоғам назарына хат мәтінін жариялағанды жөн көрдік.

Ермұрат Бапи: Маған сенім артқан халықтан басқа ешкімнің алдында жауап беруге міндетті емеспін!

«Өзеннің арғы бетінде қалған» әріптестеріме не дейін?

Қайрат Нұрқаділов сайлаудан бас тартып, жолын Рысбек Сәрсенбайұлына бермек

Редакция қоржынан келіп түскен видеоға қарағанда, Алматы облысындағы 11-сайлау округінде дауысқа түсіп жатқан кандидат Қайрат Нұрқаділов сайлаудан бас тартпақ

А. Орынбек М. Тайжанға қарсы. Р. Сәрсенбайұлы қолдап отыр

Әлеуметтік желінің белсенді қолданушысы, өзін заңгер санайтын Айгүл Орынбек сайлаудың үгіт-насихатының отына май құйып бергендей болды.