Алматы қаласының әкімі Бақытжан Сағынтаев Құлыбаевтың компанияларына өтіп кеткен ҚазҰУ жері туралы сұраққа жауап берді.
"Кезінде университеттің өзінің шешімімен сол жердегі құрылыс жүргізіп жатқан 70 сотықтай жер бөлініп берілген. Қазір ол жер тура жатақханалар жанында орналасқан. Инвестор өзінің жерінде құрылыс жүргізіп жатыр, ал бұл жер мен жатақхана арасындағы аумақ ортақ пайдалануға беріледі. Абаттандыру жұмыстары жүргізіледі. Студенттер ол жерге емін-еркін барып, кафетерий, тағы басқаға кіре алады. Жердің бос жатқаннан гөрі пайдаланылғаны тиімді", - деді Алматы қаласының әкімі бүгін орталық коммуникациялар алаңында өткен брифингіде.
"Инвесторге 2025 жылға дейін пайдалануға берілген жер аумағы ҚазҰУ аумағына қайтарыла ма?" деген сұраққа Сағынтаев:"Оны 2025 жылға қарай көреміз. Әкімдік қалай шешсе, солай болады", - деп жауап берді.
Бұған дейін orda.kz басылымы 2017 жылдың тамызында ҚазҰУ-дың аумағы 0,7495 га жерін Алматы әкімдігі OMIREX ЖШС-ға уақытша пайдалануға бергенін, ал мүлікті Atlas Development ЖШС-ның жарғылық капиталына өткізіп жібергенін жазған. Ras Aitamyn Telegram-арнасы бұл компаниялардың артында олигарх, бірінші президенттің күйеубаласы Тимур Құлыбаевтың тұрғанын анықтады.
Orda.kz жазуынша, Omirex-ке абаттандыру мен көгалдару мақсатында берілген 0,6321 га жерді мақсатты пайдалану 2019 жылдың тамызында паркинг құрылысына өзгертілді. Бұл жерлер Құлыбаевтың компанияларына 2025 жылға дейін жалға берілген.
Байланысты жаналықтар
MalimBlocks
