СІМ: ЕҚЫҰ еліміздегі ішкі жағдайды жақсы түсінбейді

Қазақстан сыртқы істер министрлігі президент сайлауына сын айтқан Еуропа қауіпсіздігі мен ынтымақтастығы ұйымының (ЕҚЫҰ)сайлауды бақылау миссиясының ұстанымына түсініктеме берді.

  • 22.11.2022

Министрліктің сайтында жарияланған түсініктемеде «ЕҚЫҰ ДИАҚБ-тың 2022 жылғы Қазақстандағы президенттік сайлауды бақылау жөніндегі миссиясының алдын ала нәтижелері мен тұжырымдары туралы мәлімдемесінде объективтілік жоқтығы байқалады және осы уақытқа дейін республикамыздың қолдауына ие болған ұйым маңызды институт ретінде ДИАҚБ тиімділігіне күмән тудырады» деп жазылған.

«Демократиялық институттар және адам құқықтары жөніндегі бюро (ДИАҚБ) ЕҚЫҰ-ға мүше мемлекеттердің олардың қызметінде «адам құқықтары мен негізгі бостандықтарын толық сақтауды қамтамасыз етуге, заң үстемдігі негізінде әрекет етуге және демократия қағидаттарын жүзеге асыруға» бағытталған қызметіне көмек көрсету мандаты бар екені мәлім (1992 ж. Хельсинки құжаты)»-деген Сыртқы істер министрлігі халықаралық ұйым Қазақстанның ішкі жағдайын дұрыс түсінбейді деп бағалайды: «ЕҚЫҰ ДИАҚБ үшін дәстүрге айналған бейтарап тұжырымдардың трафаретті және біржақты қорытындыларды қамтиды және еліміздегі ішкі жағдайды толық түсінбейтінін көрсетеді. ЕҚЫҰ ДИАҚБ байқаушылар тобы мен оның басшылығының қызметі Қазақстан Президентінің елімізді трансформациялауға, оны құқықтық дамыған озық қоғамға айналдыруға бағытталған реформаларына қарсы достық емес көзқарасты айқын көрсетті».

Сыртқы істер министрлігі түсініктемесін «ЕҚЫҰ ДИАҚБ миссиясының дәлелсіз және фактілермен расталмаған айыптау мәлімдемесі сайлауды бақылаған барлық беделді халықаралық ұйымдардың қорытындыларына сәйкес келмейді, бұл оның біржақтылығын тағы да көрсетеді. Мәлімдеме мазмұны Қазақстан билігімен ұзақ мерзімді және сындарлы ынтымақтастықты дамытуға ұмтылыстың жоқтығын көрсетеді және мұны міндетті түрде ескеретін боламыз» деп қайырады.  

ЕҚЫҰ-ның адам құқығы және демократиялық институттар және адам құқықтары бюросының (ДИАҚБ) сайлауды бақылау миссиясы 20 қарашада өткен кезектен тыс президент сайлауы «бәсеке жоқ саяси ахуалда өтті» деп мәлімдеме жасаған болатын. 

Байланысты жаналықтар

Тоқаевтың президент қызметіне кіріскеніне 5 жыл толды. Елімізде қандай өзгерістер болып жатыр

12.06.2024

Тоқаев Вьетнам президентіне құттықтау жеделхатын жолдады

22.05.2024

Зеленскийдің Украина президенті ретіндегі өкілеттік мерзімі аяқталды

20.05.2024

Ресей халқы Владимир Путинді ұлықтады

07.05.2024

Алматыдағы сайлау учаскесінде Путинге 8 пайыз ғана дауыс берілген

18.03.2024

Ресейдегі сайлау: Владимир Путин озып кетті   

18.03.2024
MalimBlocks
Тоқаевтың президент қызметіне кіріскеніне 5 жыл толды. Елімізде қандай өзгерістер болып жатыр

Әрине, қоғам бірінші кезекте саяси реформаларды күтті.

Тоқаев Вьетнам президентіне құттықтау жеделхатын жолдады

Вьетнам Президентінің алдағы барлық бастамасына табыс, ал достас вьетнам халқына бақ-береке тіледі.

Зеленскийдің Украина президенті ретіндегі өкілеттік мерзімі аяқталды

Бұған дейін Зеленский сұхбатының бірінде президенттік сайлау соғыс аяқталғаннан кейін өтсе, екінші мерзімге сайлауға түскісі келмейтінін айтты.

Ресей халқы Владимир Путинді ұлықтады

Ол ел Конституциясына қолын қойып, халқына ант берді.

Алматыдағы сайлау учаскесінде Путинге 8 пайыз ғана дауыс берілген

Бұл - Орталық Азиядағы ең төмен көрсеткіш әрі әлемдегі ең төмен нәтижелердің бірі.

Ресейдегі сайлау: Владимир Путин озып кетті   

Жалпы сайлауға сайлаушылардың 74,22 пайызы қатысқан.