Соңғы аптадағы негізгі жаңалықтар
Қазақстанға Путин келді. Астанада ҰҚШҰ жиыны өтті. Зеленский Путинді сынады. 11 қыз зорланған. Доллар шарықтады.
Депутат: қаңғыбас ит қаптап жүр
«Жануарларға жауапкершілікпен қарау туралы» заңға өзгерістер енгізу туралы» заң жобасына бастамашы болған мәжіліс депутаты Еділ Жаңбыршин елімізде қаңғыбас иттер көбейіп бара жатқанына алаңдап, депутаттар бұралқы иттерге неліктен эвтаназия жасауды ұсынғанын түсіндірді.
Әлемде әр 10 минут сайын бір әйел жақындарының қолынан қаза табады. БҰҰ мәлімдемесі
Күн сайын дүние жүзінде 140 әйел мен қызды серіктесі немесе жақын туысы өлтіреді, яғни орта есеппен әрбір 10 минут сайын бір әйел тұрмыстағы зорлық-зомбылықтан қайтыс болады. Жыл сайын 25 қарашада атап өтілетін Әйелдерге қатысты зорлық-зомбылықты жоюға арналған бүкіләлемдік күрес күніне орай БҰҰ қасындағы Әйелдер ұйымы мен Есірткі және қылмыс жөніндегі басқармасының (UNODC) жасаған баяндамасында осындай дерек айтылған.
11 қызды зорлау фактісі анықталды
Прокуратура Павлодардың балалар үйлері мен балаларды қолдау орталықтарындағы 105 қыз медициналық тексеруден өтті. Тексеру нәтижелері 11 тәрбиеленуші бойынша жыныстық қол сұғушылықты анықтады.
Қазақстан - біздің стратегиялық серіктесіміз және сенімді одақтасымыз. Әрине, біз қазір шағын құрамдағы келіссөзде өзара іс-қимылдың барлық мәселесін талқыладық, осындай үлкен екі жақты процестің аясында туындайтын мәселелерге назар аудардық. Кейбір мәселелер, Ресейдің назарын аударуды талап етіп жатады енді бірде сіз ресейлік серіктестерден белгілі бір шешімдерді күтесіз, - деді Ресей басшысы.
Астанада LED экранда Украина туы көрсетілді: ІІМ мұны қылмыс санады.
Жиынға Қазақстан президенті Қасым-Жомарт Тоқаев, Беларусь президенті Александр Лукашенко, Қырғызстан президенті Садыр Жапаров, Тәжікстан президенті Эмомали Рахмон және Ресей президенті Владимир Путин ҰҚШҰ бас хатшысы Иманғали Тасмағамбетов қатысып отыр.
Доллар шарықтады. Сарапшы не дейді?
Қазақстанды инфляция құрсауына алды. Астана мен Алматы қалаларындағы ақша айырбастау пункттерінде доллар 507 — 517 теңгеден саудаланып жатыр.
Путин: Тағы да «Орешникпен» атамыз
"Қорғаныс министрлігі қазір соққы жасалатын нысандарды таңдап жатыр. Ол әскери нысандар, қорғаныс өнеркәсібі кәсіпорындары немесе Киевтегі шешім қабылдау орталықтары болуы мүмкін", - деді Путин Астанада өткен ҰҚШҰ елдерінің саммитінде.
Зеленский: Путин соғысты аяқтағысы келмейді
Зеленский Путиннің «Орешникті» қолданамын деген қоқан-лоққысы соғысты тоқтату әрекеттеріне нұқсан келтіреді, деп мәлімдеді. Ол «Ресейдің жағдайды одан бетер ушықтыру және соғысты созу әрекетіне» жауап әзірлеу үшін Батыс жетекшілерімен жұмыс істеп жатқанын айтты.
Депутат: Ескі көліктен жұрттың есі кетті
Депутат Нартай Аралбай Үкімет көліктерді жеке тұлғалардың елге кіргізуіне байланысты шектеу қоюын мәселе етіп қозғамақ. Нартай Аралбайдың сөзінше, қазір қоғамда шетелден автокөлік әкелемін деген қазақстандықтардың құқығы тағы да шектеліп жатыр деген үлкен мәселе талқылануда.
Байланысты жаналықтар
MalimBlocks
