Тоқаев: Президент партия құрамында болмауы керек

Айшолпан КЕРІМ

  • 16.03.2022

Бүгін Парламенттің бірлескен отырысында президент Қасым-Жомарт Тоқаев жолдауын жариялады.

Тоқаев бүгінгі жолдауында президент өкілеттілігі жүріп тұрған уақыт аралығында партия құрамында болмауы керектігін айтты. 

– Мен заңнамалық түрде өзімнің президенттік өкілеттігім кезеңінде партияға мүшелікті тоқтату міндетін рәсімдеуді ұсынамын. Бұл норма саяси бәсекелестікті арттырады, барлық партиялардың дамуы үшін тең жағдайды қамтамасыз етеді, – деді Тоқаев.

Сонымен қатар, әкімдер мен олардың орынбасарлары да партия құрамында болмайды.

– Әкімдер мен олардың орынбасарларына партия филиалдары басшылығында болуға заң жүзінде тыйым салу керек. Мұндай шешімдер көпжақты партиялық жүйені қалыптастыруға мүмкіндік береді, – деді Тоқаев.

Жолдауда айтылған өзге де ұсыныстар:

  • Орталық сайлау комиссиясы, конституциялық кеңес мүшелері және әкімдерге де партиядан шығару ұсынылды;
  • Президентті аудан және ауыл әкімдерін тағайындау құқығынан айыру;
  • Президент сенаттағы 15 емес, 10 депутатты тағайындауы керек;
  • Мәжілістегі халық ассамблеясы атынған сайланған депутаттар сенатқа көшіріліп, саны 9-дан 5-ке дейін азаяды.
  • Партияны тіркеу шегі 20 мыңнан 5 мың адамға төмендету;
  • "Республикалық бюджеттің сапалы орындалуын бақылауды" күшейту мақсатында Есеп комитетінің орнына Жоғары аудиторлық палата құрылады;
  • Партияларды тіркеу үшін қажет қолдар саны 20 мыңнан 5 мыңға дейін азаюы қажет, ал партия құру үшін бастама топ кемінде 700 адамнан (қазір 2 мың) құралуы тиіс;
  • Конституциялық сот құру;
  • Қазақстанда ұлттық қоғамдық сенім кенесінің орнына ұлттық құрылтай құру;
  • Әкімдердің үштен артық орынбасары болмауы тиіс;
  • Алматы облысын екіге бөлу: Алматы (орталығы - Қапшағай қ.) және Жетісу (орталығы - Талдықорған қ.);
  • БАҚ туралы заңға өзгеріс енгізу;
  • Семей аумағында Абай, Жезқазғанда Ұлытау облысын құру;

Биыл Қаңтар көтерілісінен кейінгі мәлімдемелерінде президент Қасым-Жомарт Тоқаев алдағы наурыз айында саяси реформалар пакетін ұсынатынын хабарлаған еді. Алайда ол БАҚ-қа берген сұқбатында "түбегейлі өзгерістер болмайтынын" мәлімдеді.

Байланысты жаналықтар

Samruk Qyzmet рекрутингті онлайн платформасы құрылды

15.06.2021

Компартияның игі дәстүрін жалғастыратын партия керек – Олжас Сүлейменов саясатқа оралмақ

23.05.2022

Әскери қоймадағы жарылыстан қаза тапқандар саны бес адамға жетті

27.08.2021

Тоқаев Назарбаевтың немере інісін қызметінен босатты

17.01.2022

Ауғанстан әскерилері Өзбекстан шекарасын заңсыз кесіп өтуде

29.06.2021

Бекболат Тілеухан vs феминизм: Депутат бір айдан кейін неге ашуланды?

31.03.2021
MalimBlocks
Samruk Qyzmet рекрутингті онлайн платформасы құрылды

Компартияның игі дәстүрін жалғастыратын партия керек – Олжас Сүлейменов саясатқа оралмақ

Олжас Сүлейменов 1992 жылы партия құрарда Компартияның игі істерін жалғастыратын партия құру керек екенін түсіндім дейді. Сол партияны қайта жандандырмақ.

Әскери қоймадағы жарылыстан қаза тапқандар саны бес адамға жетті

Тоқаев Назарбаевтың немере інісін қызметінен босатты

Ауғанстан әскерилері Өзбекстан шекарасын заңсыз кесіп өтуде

Бекболат Тілеухан vs феминизм: Депутат бір айдан кейін неге ашуланды?